Br. Nizamul Haque sb.post on fb+comment

By Nizamul Haque sb.fb

🔵কোৰান সংশোধনৰ আৰ্জি(৪)

ৱাছিম ৰিজভীৰ কোৰান সংশোধনৰ বিষয় আলোচনা কৰোঁতে এই দুয়ো গ্ৰন্থকলৈ ঘটা এটা আমোদজনক কথা মনত পৰিছে৷ আমাৰ আলোচনাত সামৰি লোৱা অসহিষ্ণুতাৰ স্বভাৱ কোৰানক লৈ বেপাৰ কৰা মোল্লাসকলৰ মাজতেই আবদ্ধ থকা নাই বৰং তথা কথিত কিছুমান শিক্ষিত মানুহো এই ৰোগত পৰিছে৷ সেই মোল্লাসকলৰ দৰেই এইসকলেও যুক্তিৰ পৰিবৰ্তে দাবী ধমকি দি ৰণ জিকিবলৈ চেষ্টা কৰা দেখা যায়৷ অলপতে এটা ফেছবুক গ্ৰুপত এখন বিদেশৰ বিশ্ববিদ্যালয়ত শিক্ষাৰত অসমৰ এগৰাকী যুবতীয়ে হাদীছ কিয় মানিব লাগে আৰু হাদীছ অবিহনে কোৰান বুজা অসম্ভব বুলি ইংৰাজীত লিখা এটি নিবন্ধ প’ষ্ট কৰিছিল৷ নিবন্ধকাৰে কোৰানৰ আয়াতৰ উদ্ধৃতিৰে হাদীছৰ সমৰ্থনত যুক্তি প্ৰদান কৰাৰ লগতে মুছলমানক কোৰান প্ৰেমী আৰু হাদীছ প্ৰেমী হিচাপে দুটা ভাগত ভাগ কৰিবলৈ প্ৰয়াস কৰা দেখা যায়৷ নিবন্ধটোৰ ওপৰত কোনো সমালোচনাত নগৈ চমুকৈ কওঁ যে কোনো কোৰানপ্ৰেমীয়েই হাদীছ নিমানি নোৱাৰে কিয়নো ’কোৰানেই উত্তম হিদীছ’ বুলি গ্ৰন্থখনেই কৈছে৷ হাদীছক লৈ হোৱা মতানৈক্য মূলতঃ ভুৱা হাদীছ আৰু হাদীছৰ শুদ্ধতাক লৈহে, যিবোৰ হাদীছৰ সংকলন নবী(চাঃ)ৰ ইন্তেকালৰ ১৫০-২০০ বছৰৰ পিছত হৈছিল৷ গ্ৰুপটোত উক্ত প’ষ্টটো পাই প্ৰথমে ভাল লাগিল৷ এই গ্ৰুপত বহু সংখ্যক জনা শুনা উচ্চ শিক্ষিত লোক আছে বুলি মই জানো৷ ভালেই হৈছে এটা গঠনমূলক সমালোচনা হ’ব৷ মই ভৱাৰ দৰেই প’ষ্টটোৰ ওপৰত প্ৰতিক্ৰিয়া আহিল৷ দুজনমানে কোৰানৰ সমৰ্থনত আৰু হাদীছৰ শুদ্ধতাৰ সন্দেহ কৰি নিজৰ মত ব্যক্ত কৰিলে৷ তেওঁলোকৰ মত প্ৰকাশৰ লগে লগে বৰলৰ বাহঁতহে যেন জুই লাগিল৷ তথা কথিত হাদীছ প্ৰেমী কিছুমানে সেই বক্তি কেইগৰাকীক যথোপযুক্ত উত্তৰ দিয়াৰ পৰিবৰ্তে তেওঁলোকক গ্ৰুপৰ পৰাই বাহিৰ কৰিবলৈ দাবী জনালে৷ এজনে আকৌ আৰু এখোপ আগুৱাই গৈ গ্ৰুপটোকেই ভাঙি দিবলৈ ক’লে ৷ কোনোৱে প’ষ্টটোকেই ডিলিত কৰিবলৈ ক’লে৷ কোনো হাদীছ  প্ৰেমীয়ে পাকে প্ৰকাৰে লোক কেইজনক কাফীৰ সজাবলৈ গ’ল৷ মুঠৰ ওপৰত যুদ্ধ নৌহওঁতেই ৰণ ক্ষেত্ৰৰ পৰা পৃষ্ঠভংগ দি গোটেই বিষয়টোকে সেইসকলে লুকুৱালৈ যত্ন কৰা দেখা গ’ল৷ 

বাকী অংশ ২৬ মাৰ্চ

এছ, এন, হক৷ ৯৯৫৪১২৫২২০

.

🔴syedraf's comment:

হয়, হক চাহেব,

তথাকথিত হাদিস, কাহিনীআদি বোৰে আমাৰ মন মগজুত ইমান গভীৰভাৱে ৰক্ত বিন্দুৱে বিন্দুৱে সোমাই আছেযে কোনোৱে কোৰআনৰ কোনো কথাই বুজিব নোখোজে।

এই কথা আল্লহে জানেই বাবে তাৰ প্ৰতিকাৰো দিছে।

কোৱা হৈছে,(কোঃ১৬:৯৮)যেতিয়া তুমি কোৰআন পাঠ কৰিবা তেতিয়া অভিশপ্ত চয়তানৰ পৰা আল্লাহৰ আশ্ৰয় প্ৰাৰ্থনা কৰিবা।

ইয়াত "পাঠ কৰিবা"ৰ শব্দটো হৈছে-قَرَأْتَ-

ইয়াৰ মানে হৈছে = to recite/read, compilation, collection, reading, recitation, explanation, study, investigation.

গতিকে কোৰআনৰ যিকোনো কথা-বতৰাত 

চয়তানৰ পৰা আল্লাহৰ আশ্ৰয় প্ৰাৰ্থনা কৰিবই লাগিব, নহ'লে চয়তানে বাধা দিব।

চাওঁক ৪৩:৩৬-৩৭ত কোৱা হৈছে, যিসকলে কোৰআনক স্পষ্ট ভাৱে অনুধাৱন কৰিব নিবিচাৰে তেওঁৰ লগত আল্লাহে এটা চয়তান

নিয়োজিত কৰি দিয়ে। গতিকে তেওঁ আৰু সৰল পথৰ পৰা আতঁৰি চয়তানৰ পথলৈ তৰ্কত লিপ্ত হয়।(জিকিৰ মানে কোৰআন-৫৪:৩২)।

٤٣

وَإِنَّهُمْ لَيَصُدُّونَهُمْ عَنِ السَّبِيلِ وَيَحْسَبُونَ أَنَّهُمْ مُهْتَدُونَ

৪৩:৩৭

নিশ্চয় সিহঁতেই (চয়তানবিলাকেই) মানুহক সৎপথৰ পৰা বাধা দিয়ে, অথচ মানুহ বিলাকে (ভ্ৰষ্ট পথত থকাৰ পিছতো) নিজকে হিদায়তপ্ৰাপ্ত বুলি ভাৱে।

🍀🍀🍀🍀🍀🍀🍀

চাব দেই মানুহবোৰে কোৰআনৰ কথা কেনেকৈ নুবুজে!

ধৰক কিবলা, মানে দিশ। 

মই যদি কওঁ, মাছজিদিল হাৰাম(الْمَسْجِدِ الْحَرَامِ)মানে কা'বাৰ ফালে মুখ কৰি ছালাত আদায় কৰাৰ প্ৰয়োজন নাই। আৰু এই কথা কোৰআনৰ কতো নাই। তেতিয়া সকলো জাঙোৰ খাই নুঠবনে?

তেতিয়া ক'ব, ২:১৪৪নং আয়াতত আছে। মই কৈছো নাই।

এইবোৰেই কোৰআন বুজা নুবুজাৰ খেল।।

.

💙syedraf💚

.

Sourse:- Nizamulhaque